ဒီနေ့

ကျွန်တော် နဲ့ သူ သိပ်ချစ်မိ သွားကြတာ အတော်လေး တော့ ထူးဆန်းနေနိုင် ပါတယ်..။ ပြန် ပြောပြ ရမယ် ဆိုရင် လည်း စကားလုံး တွေ က သိပ်တော့ မရှိပြန် ပါဘူး။ နှလုံးသား ထဲကို အလိုလို ရောက် လာပြီး နူးနူးညံ့ညံ့လေးနဲ့ အခိုင်အမာ သန္ဓေ တည် သွားတာ မျိုးလေး ပါပဲ..။ ကျွန်တော့်ခြေ တွေ သူ့ဆီ လှမ်း မသွားခဲ့ သလို သူလည်း ကျွန်တော့် ကို မကမ်း ခဲ့ ပါဘူး..။

ဒါပေမဲ့ အံ့သြစရာ ကောင်းတာ က ကျွန်တော် တုိ့ ဆုံမှတ် တစ်ခုလေး အပေါ် မှာ အတူတူ ရပ်မိ သွားကြတယ် ဆိုတာပါပဲ..။ ရင်ခုန် စရာ သိပ်ကို လှပတဲ့ ဆုံမှတ်လေး ပေါ်က စက်ဝိုင်းလေး တစ်ခု ထဲ မှာ ရပ်နေ တဲ့ ခြေထောက် လေး နှစ်စုံ ရှိနေ ပါတယ်..။

အခိုင် အမာ အမှတ် တရ ရှိနေစေတဲ့ အရာတွေ ကတော့ ပြောလို့မကုန်နိုင်အောင် အများကြီးပဲပေါ့...။ သူဟာ ကျွန်တော့် အတွက် နှစ်လိုဖွယ် အကောင်းဆုံး အမျိုး သမီး ဖြစ် သ လို သူက လည်း ကျွန်တော့် အမူအကျင့်တွေကို မြတ်နိုးပေးတတ်သူ တစ်ယောက် ပါ။

ကျွန်တော်နဲ့ သူ့မှာ တူတဲ့ အလေ့အထလေးတွေ အတော် များ ပါ တယ်..။ အတူညီ ဆုံး မူဟန် တစ်ကွက် ကတော့ ကျွန်တော် တို့ နှစ်ဦးလုံး ပေပေ တေတေနဲ့ လမ်းတွေ လျှောက် နေတတ်ကြခြင်း ပဲပေါ့။ ကျွန်တော် တို့ ဆုံဖြစ်ကြ တိုင်း တစ်ယောက် ပုံစံ တစ်ယောက်ကြည့် လို့ ရယ်မော မိကြတာ လည်း အကြိမ်ကြိမ်။

ကျွန်တော် တို့ ဟာ အပေါ်ယံမျက်လုံးတွေနဲ့  ပတ်ဝန်းကျင် ကို စာဖတ် ဖို့ မကြိုးစား သလို ဟန်ဆောင်ခြင်း တွေ ကို မီးရှို့ကာ ပြာချ ထားတတ် ကြသူတွေ ပဲ ဖြစ်ပါတယ်...။

ငွေကြေး ဂုဏ်ပကာသန အရှိန်အဝါတွေနဲ့ ပတ်သက်လို့လည်း အာရုံဝင်စား ဖို့ မတတ်ကြသူတွေပါပဲ..။ ကျွန်တော့် လက်တစ်ဖက် ကမ်းပေးလိုက် တာနဲ့ အပြုံး လက်လက်လေး နဲ့ သူ့လက်ဖဝါးလေး ကို လာထည့်ပေး တတ်သူဟာ ကျွန်တော့်သူပဲပေါ့။ ထွေထွေ ထူးထူး ကြိုးညှိ စရာ မလိုပါပဲ အော်တိုလေး ကာရံ ညီ သွားကြမြဲ ပါပဲ..။ သူနဲ့ ကျွန်တော် ဟာ တောက်ပြောင်ပြောင် အဝတ်စားမျိုး ကို မုန်းတီးခြင်း ဋီကာချဲ့ လို့ အထူး အဆန်းနဲ့ အရောင်တွေ အကြောင်း အလု အယက် အတင်းပြော တတ်ကြ သူတွေ လည်း ဖြစ်ပါ တယ်..။ ဖွာကျဲကျဲ ဆံပင်တွေ ကိုယ်စီနဲ့ ကျွန်တော်တို့ဟာ အရောင် ပျယ် ဂျင်းဘောင်းဘီတွေ ဖရို့ဖရဲ ဝတ်ရခြင်း ကို ခုန်မင်တတ် သူတွေပါ။

ငြိမ်သက် နေရာ ကနေ သီချင်းတစ်ပုဒ်ကို ရုတ်တရက် နှုတ်ကထုတ်ဆိုမိတိုင်း သူလည်း ကောက်ခါငင်ခါနဲ့ အဲ့ဒီသီချင်း ကိုပဲ ဆိုညည်း လိုက်တာမျိုး တူနေ တတ် ပြန်သေး တယ်..။ 

ချစ်ဖို့ကောင်း တဲ့ တိုက်ဆိုင်မှုလေးတွေ ကျွန်တော်နဲ့ သူ့ကြားမှာ ခဏခဏ ကြုံရတတ်ပါတယ်..။ လူတွေ ကြားထဲမှာ တိုးဝှေ့ ဆွဲခေါ် ရင်း သူ့လက်လေးကို တင်းနေအောင် ဖျစ်ညှစ် လိုက်ရင် သူက သူမှီတဲ့ ကျွန်တော့် မေးစေ့ကို ခေါင်းလေးမော့ပြီး ဖြတ်ကနဲ နမ်းတတ် တဲ့ သူလည်း ဖြစ်ပါတယ်..။ ရှုပ်ပွနေပြီးသား သူ့ ဆံနွှယ်တွေ ကို မျက်လုံးတွေ ဖုံးတဲ့အထိ ကျွန်တော် စနောက်ကာ ဖွတတ် တဲ့ အခါ တိုင်း ဂျစ်ပေပေ မျက်စောင်းနဲ့ ဝေ့ကြည့်တတ်သေးတယ်..။ ဒါပေမဲ့လည်း သူ့နှုတ်ခမ်းပါးလေး တွေကတော့ ပြုံးနေ တာ ပါပဲ...။

သူ့ရဲ့ နှစ်နှစ်ခြိုက်ခြိုက်လေး အပြုံးလေးတွေ မြင်နေ ရရင် ကျွန်တော်ကျေနပ်နေသလို ကျွန်တော် ပျော်နေတိုင်း လည်း သူ့ဘဝ.. လို့ ကဗျာ ဆန်ဆန် ပြောတတ်သေးသူပေါ့..။

ကျွန်တော် သူ့ကို ချစ်စရာ အမည်းရောင် ဂစ်တာလေးတစ်လုံး လက်ဆောင်ပေးဖူးပါတယ်..။ သူ တစ်ယောက် ထဲ ရှိနေတဲ့ အချိန် တွေ မှာ ကျွန်တော့်ဆီက ရတဲ့ ဂစ်တာလေး နဲ့ စကားတွေ ပြောတတ်တဲ့ အကြောင်း ကျွန်တော့်ကို ပြန်ပြောရင်း ရှက်စနိုးနဲ့ ရယ်မော တတ်ပြန် သေးတယ်.။ ကျွန်တော်တို့ နှစ်ယောက် ဟာ ဂစ်တာလေးကို အထီးအမ ခွဲရင်း သားလေးလား..! သမီးလေးလား..! လို့ ငြင်းခုန် တတ်ကြ ပါသေးတယ်..။ “ဟိုမကျ ဒီမကျ အခြောက်လေးများ ဖြစ်နေရင် ဒုက္ခ...” လို့ ကျွန်တော် နောက်ပြောင် ရင်တော့ သူ မကြိုက် ပါဘူး။

အဲ့လို စနောက်တိုင်းလည်း ကလေးတစ်ယောက်လို စိတ်ကောက် ပြန် တာ ကျွန်တော့်သူ... ပဲပေါ့..။ ကြာရှည် စိတ် မကောက် တတ်တဲ့ သူ့စရိုက်လေးကိုလည်း ကျွန်တော် အရမ်း ကို ချစ်ပါတယ်။ ကျွန်တော်ဟာ သူစိတ်ဆိုးအောင် စိတ်ရှည်ရှည် နဲ့ ခဏ ခဏ စတတ်သူပါပဲ..။

ကျွန်တော် တို့ ချစ်သူ့သက်တမ်း တလျှောက်လုံးမှာ  ကြီးကြီးမားမား တစ်ခါမှ ရန်မဖြစ်ဖူးကြပါဘူး..။

ကျွန်တော် နဲ့ သူ့ကြားမှာ ချည်နှောင်ထားတဲ့ ကြိုးတွေကို သူများတွေ မြင်သာအောင် ချပြဖို့မလိုအပ်ဖူးလို့ ခံယူ ထားကြ သူတွေပါပဲ.။ သူဟာ ကျွန်တော် သိပ်ချစ်တဲ့ ချစ်သူတစ်ယောက်ဖြစ်သလို ကျွန်တော့် အတွက် အရမ်း လိုအပ်တဲ့ တိုင်ပင်ဖော် သူငယ်ချင်း ဆိုလည်း မမှားပြန်ဘူး..။ ကျွန်တော့် သူ့ကို အစ်မ တစ်ယောက် လို လေးစား မြတ်နိုး သလို ကျွန်တော့် ညီမငယ်လေး တစ်ယောက် လိုလည်း သူ့ကို ပူပန်တတ်သေး တယ်..။ ကျွန်တော်တို့ တစ်ယောက်ကို တစ်ယောက် ယုံကြည်မှု အပြည့် အဝ ပုံအပ် လက်ချင်းတွဲ လို့ လမ်းတွေ ဆက် လျှောက်နေ ကြတာပါပဲ..။

မိခင် တစ်ယောက် က ကလေးတစ်ယောက်ကို ယုယသလိုမျိုး သူပေးတဲ့ အကြင်နာတွေ ရတတ်ချိန်တိုင်း မျက်ရည်ဝဲ လောက်အောင် အထိ ကျေးဇူး တင် ကြည်နူးရသူ ဟာ ကျွန်တော်ပါပဲ..။

လူတွေကြား ထဲ လက်တွဲသွားရင်း ကျွန်တော့်ကို လှည့်ကြည့်တတ်တဲ့ ကောင်မလေးတွေ တွေ့ခဲ့ရင်လည်း သူဟာ အပြုံးမပျက် တတ်သူ မျိုးပေါ့..။ ကျွန်တော် ကိုယ်တိုင် ကလည်း သူ့ကို ဂရုတစိုက်ရှိတတ်တဲ့ အမျိုးသား တွေ ရှိနေရင်တောင် ဝန်တိုစိတ်ဆိုတာမျိုး လုံးဝ မဖြစ်တတ် ပါဘူး..။ ဒါဟာလည်း ကျွန်တော်နဲ့ သူ့ရဲ့ အပြန် အလှန် အကြွင်းမဲ့ ယုံကြည်မှုတွေကြောင့်ပါပဲ..။ ကျွန်တော်နဲ့သူ ကိုယ်ဆီ အိမ်ပြန်ဖို့ လမ်းခွဲ နှုတ်ဆက် ချိန်တွေမှာ “စိတ်ချမယ်နော်...” လို့ ကျွန်တော်ပြောတိုင်း.. သူကလည်း ကျွန်တော့် ကို ပြုံးကြည့် ရင်း ခေါင်းလေး ညိတ်ပြ တတ်ပါတယ်..။

တခါတလေတော့ ခေါင်းကိုငဲ့စောင်းလို့ မျက်လုံးလေးတွေစွေပြီး ချစ်စနိုးလုပ်တတ်တဲ့ သူ့ မျက်စောင်းလေး ကို ချွင်းချက် အဖြစ် ကျွန်တော် ရတတ် ပါသေးတယ်..။

ကျွန်တော် သူ့ ကို ဘယ်အရာမျိုးမှာမှ ပိတ်ပင်တားဆီး ချုပ်ချယ်တာမျိုး မလုပ်တတ်ပါဘူး..။ ပွင့်လင်း ထက်ြမက်တဲ့ သူ့စိတ်လေးကို ကျွန်တော် အလေးထား အသိအမှတ်ပြု လို့ မြတ်နိုးပါတယ်။ သူဟာ အမိန့်ပေး ခံရခြင်းကို မုန်းသလို သူ့ဘောင်လေးထဲမှာ ပျော်ရွှင် လွတ်လပ်စွာ နေထိုင်လှုပ်ရှား နေခြင်းကို သူ ကိုယ်တိုင် လေးစား တန်ဖိုးထား တတ်တာကို ကျွန်တော်သိနေလို့ပါ..။ ကျွန်တော် တစ်ခုခု ကို အလွန် အကျွံ မဖြစ်စေဖို့ သူ သတိပေးတတ်သလို ကျွန်တော် ကလည်း သူ့ ကျန်းမာရေး နဲ့ ပတ်သက် လို့ သူ နားလည် လက်ခံ အောင် ပါးပါးလေး လှစ်ကာ ပြောပြနားချမိ တတ်ပါတယ်..။

သူ သတိပေးသမျှ ကို ကျွန်တော် ခေါင်းညိတ်နားထောင်သလို သူကလည်း ကျေကျေနပ်နပ် ဆင်ခြင် နေထိုင် ပေးတတ် လို့ ကျွန်တော် သူ့ ကို အချစ်ပိုရပြန်တာပါပဲ..။

သူဟာ ကျွန်တော့် ကို အတိုင်းထက် အလွန် နားလည်ပေးတတ်သူပဲ ဖြစ်ပါတယ်..။ သူနဲ့ ပတ်သက်လို့ အကြိမ်ကြိမ် ကျွန်တော့် ကိုယ် ကျွန်တော် အား မရ ဖြစ်မိတတ်တယ်..။ သူ စိတ်ညစ်သွားမှာ မျိုးကို ကျွန်တော် မလိုလား ပါပဲ မတတ်သာ တဲ့ အခြေအနေ တွေပေါ်မှာ နင်းလျှောက် ရ တိုင်း ကျွန်တော့် စိတ် ခြေလှမ်း တိုင်း က လေးပင် တွန့်ဆုတ်နေ တတ်တာ ဘယ်သူမှ သိနိုင်မယ်မထင်ပါဘူး။ သူ့ကို ကျွန်တော် စိတ် မဆင်းရဲစေ ချင်တာ ကျွန်တော်သာ အသိဆုံးမို့ပါ..။ ကျွန်တော့်ဘဝရဲ့တစ်နေရာရာ မှာ သူရှိကို ရှိနေမှဖြစ်မှာပါ..။ ကျွန်တော် သူ့ ကို အဲ့လောက် ထိ လိုအပ်ပါတယ်..။

သူ့ဆန္ဒ သူ့အလို မှန်သမျှ ကို အလိုက်တသိ ဖြည့်ဆည်းပေးနိုင်တဲ့ ကျွန်တော် ဖြစ်ချင်ပါတယ်။

ကျွန်တော် သူ့ကို ရည်းစား ဘယ်နှစ်ယောက်ထားခဲ့ဖူးလဲ ဆိုတဲ့မေးခွန်းမျိုး မေးဖို့စိတ်မဝင်စားသလို သူ သိနေတဲ့ ကျွန်တော့် အတိတ်တွေ နဲ့ ပတ်သက်လို့လည်း ကျွန်တော့် ကို စိတ်ရှုပ်အောင် မလုပ် တတ် ပါဘူး..။ ကျွန်တော် တို့ နှစ်ယောက် လုံး ပစ္စုပ္ပန်ကို မြတ်နိုး ပါတယ်..။ “ဒီနေ့..” ဆိုတာ ကို ချစ်ပါတယ်...။ “ဒီနေ့..” ကျွန်တော် သူ့ မျက်နှာလေး ပြုံးသွား အောင် ဘာလုပ်ပေးနိုင်မလဲ တွေး သလို သူကလည်း “ဒီနေ့..” ကျွန်တော့် ကို ဘယ်လို ယုံကြည် နားလည်မှုတွေ ထပ်ပေးနိုင်မလဲ ကျိုးစားနေတာကို ကျွန်တော် သိနေ ပါတယ်..။

သူ့ အရိပ်တွေနဲ့ “ဒီနေ့..” ဆိုတာကို ကျွန်တော် ဆုပ်ကိုင်နိုင်သလို ကျွန်တော့် မေတ္တာတွေနဲ့ ဒီနေ့လေးမှာ သူ့ စိတ်တွေ ကို အေးချမ်းပျော်ရွှင်ခွင့်လေး ပေးနေပါရစေ..။ 

ကျွန်တော့် အတွက် ဒီနေ့ဟာ လှပပြီး သူ့အတွက် သူပိုင်ဆိုင်ရမဲ့ ဒီနေ့လေးမှာ ကျွန်တော်နဲ့ အတူတူ နှစ်နှစ် ခြိုက်ခြိုက်လေး ပြုံး နေနိုင် ပါစေ...။ ကျွန်တော်တို့ကို မနက်ဖြန် အကြောင်းလေး ခဏလောက်တော့ မေ့ထား ခွင့်ပေးပါ..။ ကျွန်တော်တို့ နှစ်ယောက် လုံး ဘဝ အတွက် လုပ်ဆောင်စရာတွေ အမောတွေ အများကြီး ရှိနေသေးတာ ကျွန်တော်တို့ ကိုယ်တိုင် သိထားကြပါတယ်..။ ဒါပေမဲ့ ... ကျေးဇူးပြု ပြီး ထပ်ပြော ပါရစေ.... ကျွန်တော်နဲ့သူ့ကို မနက်ဖြန်တွေအကြောင်း ဒီနေ့မှာ မေ့ ထားနိုင် ဖို့ ခဏလေး တော့ ခွင့်ပြုပေး ကြပါ...။

ဒီနေ့လေး မှာ ကျွန်တော် သူ့ပါးလေးတွေကို နူးညံ့ကြင်နာစွာနဲ့ ဖွဖွလေး နမ်းပါရစေ..။ 

သူ က လည်း သူ့ လက်ဖဝါး နွေးနွေးလေးတွေနဲ့ ကျွန်တော့်လက်တွေကို မြတ်မြတ်နိုးနိုး ပြန်လည်ဆုပ်ကိုင်ထား ပါလိမ့်မယ်..။ 

ဒီနေ့လေး ကို ကျွန်တော်နဲ့ သူ ကြည်နူးစွာနဲ့ သိပ်ကို လိုလားပါတယ်။

ကျွန်တော် တို့ ရဲ့ မျက်လုံးတွေကိုမှိတ်ပြီး “ဒီနေ့..” လေးကို သာယာငြိမ်သက်စွာနဲ့ ချိုမြိန်နာရီတွေပေါ်မှာ တွဲခိုစီး လို့ နေနေပါရစေ..။

ချော့ကလက် နံ့လေးတွေ ထုံအီနေမဲ့ ရောင်စုံအိပ်မက် လှလှလေးတစ်ခုကို အတူတူမက်ရင်း “ဒီနေ့..” လေး ကို  ရင်ခုန်သံတွေနဲ့  ဖြတ်ကျော် ခွင့်ပေးပါ....။

ကျွန်တော် တို့ နှစ်ယောက် သိပ် ကို မျှော်လင့်ခဲ့ကြတဲ့ “ဒီနေ့..” လေး ကို ကျွန်တော်နဲ့.... သူ.... .... .... .... ....!!!!

တူငယ်...တူမငယ်၊ မောင်ငယ်...ညီမငယ်လေးတွေအတွက် ဗာလင်တိုင်း လက်ဆောင် အဖြစ် အမှတ်တရ ပေါ့ပေါ့ ပါးပါး လေး ရေးဖွဲ့ တာပါ။ ချစ်တတ်သူတိုင်း နူးညံ့ ရင်ခုန်သံတွေနဲ့ ပျော်ရွှင်သာယာ ကြည်နူးနိုင်ကြပါစေ....။ 

 (ခင်လေးငယ်)