Tuesday, May 1, 2012

လမ်းခွဲတဲ့ည


 
ညဟာ...
တိမ်လွှာကင်းလို့ လ စသာတယ်..။
လက်လက်ထ လ ရောင်မှာ မှိုင်းပြပြ မျက်ဝန်းနဲ့ အစပြုတော့
ယောင်မှားမှင်သက်..ဝစီပိတ်ကို စ ကျင့်လိုက်တယ်..။

လက်ဖျားတွေအေးစက် အသံမဲ့ စကားက ဗုံးတစ်လုံးအလား
မြေပြင်ကျယ်ဟာ မီးထတောက်ဖို့ နှလုံးသားကို တည်ကြက်လုပ်တော့
မဲ့ပြုံးလေးတောင် မပြုံးမိအောင်အံကိုကြိတ်လို့ အကြံကိုထုတ်တယ်...။

အဲ့ဒီည... ကမ္ဘာမြေကို သွက်သွက်ခါစေဖို့ ဆာကေးတစ်ခွက်
တိုက်..
လိုက်..
တယ်.....။

ကဲ... ဘာတွေဖြစ်လာမလဲ...!!

အမြည်းမရှိတဲ့ ကမ္ဘာဟာ အနမ်းတွေ ဇောက်ထိုးမိုးမျှော်နဲ့
အလွမ်းတွေက ဝုန်းဒိုင်းကျဲ နာကျဉ်ခြင်းတွေ လျှပ်လိုထ အလက်
တရားပျက်မယ့် မိုးခြိမ်းသံနဲ့အတူ မျက်ရည်တွေ ရွာအချမှာ
ရုတ်တရက်ပါပဲ....
မင်းကိုငါ လမ်းခွဲ

နှုတ်.. ဆက်.. တယ်... "ကဝေ"။

(ခင်လေးငယ်)

No comments: